ما عافتك نفسي على كثر ما صار
والله ولا عمري شكيت فـــ غيابك

حتى فــ غيابك كنت أدور لك أعذار
وأقول يا ويلي اذا شي صابـــــــك

خليتني ما بين همي والافكــــــــــار
وياليت لو منك وصلني عتابـــــــك

ما كنت باتسآءل ولا كنت باحتــــار
وباسد بابي مثل ما انسد بابــــــــك

الوعد كلمه تربط الناس الاحــــرار
يرضيك يصبح من بقاياثيابـــــــــك

لبستني حبك ولبستك أزهـــــــــــار
واليوم شفني غارقة في ضبابــــك

ما عاد لي عندك أبد في الهوى ثار
معفاي والله يحفظك في شبابـــــــك

ما عافتك نفسي ولو صار ما صـار
ويبقى حضورك نسخة من غيابــك