| | | |
| |||||||
 |
| | LinkBack | أدوات الموضوع | انواع عرض الموضوع |
 07-13-2008, 11:39 AM | #1 (permalink) | ||
| كويتاوي نشيط  مزاجي:   |  ¨°o.O (من أنا ) O.o° بسم الله والرحمن الرحيم السلام عليكم و رحمة الله وبركاته أعضاء المنتدى الكـــرام يسعدني و يشرفني بأن أطرح عليكم نبذه عن بطاقتي الشخصيه و الذي يحمل عنوان ¨°o.O (من أنا) O.o° طبعا من خلال الموضوع ممكن للأعضاء أنهم يعرفون عني الكثير و الكثير و الحين راح ابدأ في طرح معلومات الخاصه بي   الإسم : الفارس العنابي - الأسم الحقيقي .. محمـــد العمر : 23 سنه <<< العمر كله إن شاء الله ^_^ .. من موليد 28 - أكتوبر النادي المفضل : نادي محلي: هو الوحدة  و عالمي : أسي ميلان  أفضل دولة : إيطاليا ..  من مواليد مدينة دبي و ساكن فيها و أنا انسان جدا عادي .. واثق من نفسي لإقصى الحدود صحيح اني واثق من نفسي بس آراء الناس فيني تهمني لانها تخليني أغير من نفسي اذا كانت هناك سلبيه و اطور من نفسي اذا كانت هناك إيجابيه الطبع : أنا بطبعي انسان هادي و أحب الهدوء و اجتماعي احب الإختلاط بالناس واسولف وياهم و احسسهم انهم مب غرب احب اخذ واعطي مع الناس و احب الي يتعامل وياي يكون عفوي و متفهم و عاقل و أحب النذالـه مب اني شرير لا يعني احب العوز الي جدامي و اتلف اعصابه واطلع له قرون ولكن نواياي طيبه ^_^ أحب أسير البحر و الأماكن الهادئه و إلي ما فيها حشرة و معظم وقتي أحب أقضيه بروحي و خصوصا إذا كانت عندي مصيبه أو مشكله. و الشي إلي أكرهه الخقاقين (( شايفين عمارهم )) و الي جدامك شكل و من وراك شكل ثاني ((بو ويهين )). و إلي يكون معاي سيده و ما يقص على بحطه فوق راسي و العكس صحيح ^_^ و في نفس الوقت ما أحب حد يلف و يدور عشان يحصل الي يبغيه  أنا حاليا أدرس في الكليه التقنيه للطلاب (( دبي )) و في أخر سنه و تخصصي هو الهندسه درست في كذا مكان إلى جانب الكليه درست في المعهد البريطاني و درست في معهد للكمبيوتر بس للأسف ما اذكر أسمه لأن كان من زمان و بجانب الدراسه أشتغلت في كذا مكان أشتغلت في مول الإمارات .. أشتغلت في الديوان .. اشتغلت في المهرجان (( مفاجأت صيف دبي )) لمدة أربع سنوات .. و اشتغلت بعد في اتصالات  تعرفت على النت أول ما دخلت الكليه يعني سنة 2003 مب من زمان كنت اعرف النت قبل بس ما كنت احب ايلس وايد لين الكليه لأن دراستنا في الكليه معظمها على النت و في أوقات الفراغ (( البريك )) كنت أيلس و ماعندي شي أسويه و شفت ربعي كانوا يالسين عالمنتديات و أنا ما كنت أعرف شي عن المنتديات و حبيت اجرب هالعالم الثاني (( المنتديات )) ومن هذاك اليوم وانا مستوي مدمن نت أو منتديات يعني ايلس في اليوم مب اقل من 9 او 10 ساعات و من خلاله (( المنتديات )) كونت صداقات من مختلف انحاء هالعالم الواسع و اول ما كنت أشوف منتدى كنت أشترك فيه و اشتركت في منتديات وااايده و حاليا انا مشترك ف اكثر من500 منتدى ^_^ بس ما ادخلهم كلهم لان نص المنتديات تجبر الشخص على الاشتراك عشان تاخذ او تنزل شي  أول ما سجلت في المنتديات و أشتركت فيهم كان نك نيمي VAMPIRE (( مصاص الدماء )) كنت أحب هذا النك نيم بس و للأسف صارت مشاكل و سوالف وانجبرت أغير هذا النك و بعدها انتقلت لنك نيم (( الفارس العنابي )) هذا النك يعني لي واااااااااايد اعتبره جزء مني ومستحيل اغيره احس انه يعبر عن شخصيتي و طبعا شي أسباب ثانيه و من ضمنها تشجيعي لنادي الوحدة ^_^  طبعا أنا ما أقدر أحكم على ايجابياتي و لكن حسب ما أسمع من الناس إللي حولي * طيب * حبوب * ماعرف اقول لا لأحد * ما احب ارد أي حد خايب * احب اساعد الغير بمعنى آخر خدوم * مستمع جيد لمشاكل الغير * انسان كووول على طووول * مرح وفرفوش  * ما أكون متفيج لشي أو لأحد يوم أكون مشغول * أعصب بسرعه يوم حد يمزح معاي و أنا مستعجل * عنيد بشكل غير متوقع والمشكله عنادي ما يكون في صالحي في أغلب الأوقات * احب وايد اسوي طاااف ومادري اذا شي سلبيات ثانيه بس هذا اللي اجوفه فيني  طبعا كل انسان عنده هوايات كثيرة و يحب يستغلها في اوقات الفراغ ومن هواياتي  احب اصمم وايد خصوص تواقيع و تعلمت على الفوتوشوب في اجازة الصيف قبل كم من سنه عن طريق ولد خالتي يزاه الله خير بس معظم الوقت كنت اعتمد على نفسي في اكتشاف الفوتوشوب الين ما وصلت للي انا عليه بس انا اعتبر نفسي للحين ف منتصف الدرب وان شاء الله مع التطبيق والمحاوله بستوي محترف بإذن الله ^_^ و هاي بعض التصاميم إلي سويتها      هاي وحدة من الألعاب إلي أحب ألعبهم في أوقات الفراغ و بديت اللعب من 8 سنوات تقريبا و دخلت نادي للشطرنج و كنت في النادي لمدة شهر و بعدين طلعت لأن مستواي الدراسي نزل من كثر ما كنت ألعب و هامل المدرسه و بعدين الحمدلله رفعت من مستواي الدراسي و كنت ألعب هاي اللعبه بين فتره و فتره و الصراحه لعبه وايد حلوة و أنا أنصحكم انكم اتجربونها و بعدين تلعبون معاي ^_^  من ضمن هواياتي الكمبيوتر طبعا أحب أقعد عالكمبيوتر و على المنتديات و أحب أحافظ عليه و بين فترة و فترة أنظف الكمبيوتر و أسوي له تحديث (( Update )) و أمسح البرامج إلي ما أستخدمها وايد و أوقات يوم أمل من النت و ما عندي سيارة و أطلع برع ألعب عالكمبيوتر مثل لعبت (( Zuma )) ((Billiards )) و غيرها من الألعاب  و هاي الهوايه من الهوايات اللي اتمنى اني احترفه فيها لأن الصراحه أحب أصور وايد لدرجه إني أشل الكاميرة وياي في السيارة لوول و الكاميرة إلي استخدمها هي (( Benq )) من طراز (( DC C500 )) و 5 مغيا بكسل وان شاء الله بتعلم فنون الإحتراف في هذا المجال و طبعا أنا صورة مجموعه من الصور و هي في الكاميرة نسيت انزلها على الكمبيوتر و إن شاء الله أول ما أنزلها راح أخليها لكم في المنتدى  طبعا أغلب الشباب يحبون يلعبون الكرة و أنا واحد منهم و أحب ألعب الكرة مع ربعي في الصاله أو الملعب أو الحديقه و غيرها من الأماكن و أحب ألعب في الوسط يعني مب هجوم ولا دفاع و ما أحب أكون حارس لووول ^_^ لأن مهاراتي في هاي المنطقه وايد أفضل من المناطق الثانيه و إن شاء الله أكون مثل اللاعبين الكبار في الكرة و أكون واحد منهم بإذن الله  طبعا لو ما أحب المنتدى أو ما عيبني جان ما اشتركت فيه من البدابه و الصراحه المنتدى اكثر من رائع وكشخه و مرتب واهم شي ادارته واعضاءه طبعا ما عليهم كلام الكل محترمـ ^_^ و حاليا ما عندي اقتراحات لان المنتدى ما شاء الله مب ناقصنه شي و لو خطر في بالي اي اقترح ما ببخل عليكم و بخبركم إن شاء الله ^_^  اتمنى اني طرحت معلومات كافيه عن نفسي واتمنى اني اكون عند حسن ظنكم كلكم واتمنى للمنتدى المزيد من التقدم والنجاح و إن شاء الله أنشوفه من بين المنتديات الكبيره و لكم كل الشكر و التقدر و الأحترام تقبلوا مني أرق و أجمل التحايا الفارس العنابي
التعديل الأخير تم بواسطة الفارس العنابي ; 07-13-2008 الساعة 01:30 PM. | ||
 |  |
| 07-13-2008, 01:15 PM | #2 (permalink) |
| كويتاوي من قلب  مزاجي:  |  9ra7a 5osh le3ba it5elna nat3raf 3ala kil 3athw akthar الإسم rock girl العمر 16 نادي محلي qadsiya 6ab3a و عالمي manchester united oo barclona oo acmilan أفضل دولة london,canada.usa الطبع : insana 3adeiya 3aysha 7yatha ma a7ab shay esma ga3da bil bait mzajiya a7ab akon 6abi3iya weya ay a7ad 9are7a ma e7ab il 8wanen oo ma a3traf feha amoot 3ala shay esma music 9ayra ib damy igtma3iya b 6ab3y asa3ed ay a7ad 7ata law knt ma 3arfa oo a7ab a3zaf 3ala il guitar enshalla bat3lam akthar shay akraha bil nas ohwa ta78erhom 7ag nafeshom wil salbiya elley feehom awal montada ashtark feh kan pnati basonkoka galetly 3ana 9ra7a awal ma sma3t feh 7asbaly ena sa5ef bs 6al3 il 3aks 9art amoot 3alieh a5tert rock girl as a nick name le2na 7aseta layig 3alieh ya3nie e3aber 3an sha59ety طبعا أنا ما أقدر أحكم على ايجابياتي و لكن حسب ما أسمع من الناس إللي حولي jare2a ijtama3iya 5adoma mitsar3a 6mo7y enshallah aro7 il jam3a oo adras bussines oo bs sory etha 6walt 3aliokom |
| | |
| 07-13-2008, 01:29 PM | #3 (permalink) | ||
| كويتاوي نشيط مزاجي: | السلام عليكم و رحمة الله و بركاته .: Rock girl :. في البدايه أحب أشكرج على هذا الحضور الرائع و المميز و حبيت أشكرج في نفس الوقت لأنج عرفتي عن نفسج أكثر و ما شاء الله عليج .. اتشابهيني في بعض الأمور الله يحفظج و يخليج إن شاء الله لأهلج و إن شاء الله تتحقق كل إللي تتمنيه و إن شاء الله توصلين للي تطمحين له و كل التوفيق لج إن شاء الله في حياتج العلميه و العمليه .. تقبلي تحيتي و مروري أخوج الفارس العنابي
| ||
| | |
| 07-13-2008, 02:25 PM | #4 (permalink) | ||
| طاقم الإشراف  مزاجي:  | الإسم :جنون العاطفه العمر 25 نادي محلي :مو متابعة للكرة بس لمن كنت صغيره كنت اشجع النصر و عالمي :أسي ميلان أفضل دولة:سويسرا وتركيا الطبع : أنسانه هادئه طيبة مااحب ازعل احد ولا اجرحه أحب أكون سعيده الشيء الوحد فينيي وأتمنى أقدر أغيره اني عنييده درجه أولى حســاسه بزياده هواياتي،:أحب السفر-القــراء-الكمبيوتر دراساتي:تخرجت من الجامعه تخصص عربي درسة بمعهد التميز للحاسب رأئي بالمنتدى: المنتدى ارواع من قمه الذوق والمواضيع دائما جديدة وشيقه وتجعلنا دوم نتطلع لموضوعات كلمة أخيررة: احب ان ارفع معاني شكري وامتناني لاسرة هذا المنتدى واتمنى لكم دوم المزيد والمزيد ويعطيك الف عافيه أخووي
التعديل الأخير تم بواسطة جنون العاطفه ; 07-13-2008 الساعة 02:28 PM. | ||
| | |
| 07-13-2008, 03:16 PM | #6 (permalink) | ||
| my love 33  مزاجي:  | الإسم : الطفله البريئه العمر 16 نادي محلي : اكيد القادسيه و عالمي : manchester united أفضل دولة: ماليزيا وتركيا الطبع : هاديه واستحي بس اذا كنت فاصله مالي شغل بأحد احب اللعب بوقت اللعب والجد بوقته ويمكن انا مو اجتماعيه واايد لأني استحي بسرعه اعصب وبسرعه ارضى هواياتي،: النت والسباحه والغوص دراساتي: اذا تخرجت انشالله بدخل هندسه او علووم اداريه رأئي بالمنتدى: المنتدى روعه وو اعضاءه كلهمم على قلب وااحد كلمة أخيررة: اشكر ادارة المنتدى والاعضاء على كل شي وبس يعطيـــك العافيه
التعديل الأخير تم بواسطة الطفــ elbre2a ــله ; 07-13-2008 الساعة 03:34 PM. | ||
| | |
| 07-13-2008, 03:35 PM | #7 (permalink) | ||
| كويتاوي نشيط  مزاجي:  | الأسم : ناصر العمر : 17 رايح ال18 شهر سبتمبر نادي محلي : القادسيه نادي عالمي : ريال مدرييد افضل دولة : غير الكويت و الإمارات , المكسييك الطبع : هادي معى الي ما اعرف و معى الي اعرف مينون . احب التغيير من النادر اتشوفوني امعصب ما احب ازعل احد ما أحب اقعد بالبيت احب اتكلم انجليزي خجوول احب اجازف ايجابياتي :طيب ما احب اجذب مسامح مرح سلبياتي : اسامح بس ما انسى كريم زياده عن اللزوم اقلب على الكل اذا كنت متضايق بس كافي ( شكلكم خفتوو , لول ) هواياتي : كره قدم التصاميم ( فوتوشوب ) اسوي فلم هندي اغني اتمشي اسبح
| ||
| | |
| 07-13-2008, 08:26 PM | #8 (permalink) | ||
| كويتاوي نشيط مزاجي: | السلام عليكم ورحمة الله و بركاته .. حبيت أشكركم جميعا على هذا الحضور اسعدني حضوركم الغالي .: جنون العاطفه :. حيالله بمشجعة AC Milan .. ^_^ تخرجتي ما شاء الله عليج و خلصتي .. بس شدي حيلج عشان الشهادات الباقيه و ربي يوفقج إن شاء الله .. .: Rock Girl :. مشكوره على التواجد و المتابعه يعطيج العافيه على هيك حضور .. ^_^ .. .: الطفله البريئه :. إنتي هاديه و طيبه و حبوبه ما شاء الله عليج مب أنا إللي أقول هالشي هاي شهاده من الجميع و الصراحه أتمنى لج كل التوفيق إن شاء الله و إن شاء الله تنجحين و تدخلين الجامعه و تدرسين إللي تبينه و تتحقق كل امنياتج إن شاء الله .. ^_^ شدي حيلج .. .: المينون :. ما شاء الله عليك .. شكلك راعي طلعات و روحات و ييات الصراحه أنا قبل كنت نفسك و لكن يوم دخلت الكليه كل هاي الأشياء اتغيرت للأحسن .. ^_^ شد حيلك في الدراسه و إن شاء الله اتخلص الدراسه و تتفوق على نفسك كل التوفيق إن شاء الله .. أشكركم جميعا مره ثانيه على الحضور و أنا في انتظار البقيه .. ^_^ .. تقبلوا تحيتي و مروري أخوكم الفارس العنابي
| ||
| | |
| 07-13-2008, 11:34 PM | #9 (permalink) | ||
| كويتاوي نشيط  مزاجي:  | بسم الله الرحمن الرحيم : الأسم : محمد العمر : 18 نادي محلي : ما عندي بس ربعي يغصبوني اروج مباريات T_T نادي عالمي : ما احب الكره و ما اشجع احد بس احب حماس المدرجات يعني اصارخ وياهم وانا ما ادري شالسالفه :D اافضل دول واماكن : الكويت الجابريه , السعوديه مكه , استراليا غولد كوست , كندا فانكوفر دراستي: خلصت السنه الاولى بالجامعه العربيه المفتوحه والحين بدش سنه ثانيه وتخصصي ادارة اعمال-نضم اداريه الطبع : هادي جدا واسلوب تعاملي فيه تسامح (زايد) اعصب لمن احد يطلعني من طوري :mad: مزاجي على مدار الساعه معتدل ولا يواجه اي تقلبات الا اذا واجهت مطبات حياتيه  أحب اقعد بالبيت اذا عندي شي يبيله تركيز او اذا بفكر ابموضوع واتدارسه واذا ما عندي شي اسعى قي ارض الله الواسعه. كنت احب الانجليزي الحين قعد احول كل شي عربي (حركة التعريب) احب شي اسمه تكنولوجيا و كمبيوتر و كل الجيمز. ايجابياتي : وايد صريح وفي لكل الناس مع الحق حتو اذا ما كان الحق معاي معطاء ابكل النواحي سلبياتي : وايد لعبي ما احب اتعب اخون وايد ! نضامي دزني ادزك والي ما يدزني ما ادزه :D اتئثر ابئي كلمه سلبيه خصوصا اذا كانت من انسان عزيز علي الباجي تعرفونه بعدين :D هواياتي : كنت ادق ابيانوا قبل لا اتدين كنت ارسم قبل لا اتدين دقات بالربع حفض وتجويد القرءان الكريم قراءة الكتب والروايات بمختلف انواعها انشد اتمشى واركض اتسبح واعذروني عالقصور هذي السيره حدها مختصره واريد شكر الفارس العنابي على الموضوع والفكره الجميله والى اللقاء
| ||
| | |
| 07-14-2008, 12:51 PM | #10 (permalink) | ||
| كويتاوي نشيط مزاجي: | السلام عليكم و رحمة الله و بركاته .: Iq :. شكرا جزيلا لك على هذا التواصل الطيب اسعدني مرورك الجميل من هنا .. بالتوفيق لك إن شاء الله في الدراسه شد حيلك .. ترى ما انوصيك على الشهادات إللي تترياك و نحن كلنا وياك .. أنت بس ركز في الدراســه و ربي يوفقك إن شاء الله .. ^_^ .. أشكرك مره ثانيه على هذا الحضور أتمنى إني أشوفك دايما في مواضيعي المتواضعه و كل التوفيق لك إن شاء الله .. تقبل تحيتي و مروري أخوك الفارس العنابي
| ||
| | |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
