| | ||
| |||||||
 |
| | LinkBack | أدوات الموضوع | انواع عرض الموضوع |
 08-09-2008, 10:50 PM | #12 (permalink) | ||
| كويتاوي نشيط   مزاجي:   |  حبيبي iq .. انت حسستني إني يهودي على كلامك .., يبا والله عارف ربي وأصلي وكل شي ., لكن اقولك لا تصير متشدد وايد ., ونفس ما قال الله سبحانه .. لو كنت فضا غليظ القلب لنفضوا من حولك ., احنا لازم مانكون متشددين بالدين .. لازم نعطي الحياة حقها والدين حقه ., اما على سالفة دردش مع بنات .. الحياة الحين كلها اتصلت مع بعض .. ماكو هذا صبي وهذا بنت .. سواء بالعمل .. لازم تختلط مع بنات .. وسواء بالدراسه مثلا عندنا تختلط مع البنات .. سواء بالمجمعات تختلط مع بنات ., بكل مكان بحياتك لازم تختلط ., مو سالفة النت بس ., انا بكل اختصار وانهي الموضوع كله .. انه مانكون متشددين .. لأنه كل متشدد ضاع ., وانا على فكره مو يهودي علشان تقول انا حاط نظره سيئه على الاسلام بالعكس .. هذا ديني وافتخر فيه وافتخر بكل شي يتصل فيه ., لكن أقول لانتشدد علشان مانضيع بأشياء ثانيه ., ترا كل تشدد وراه أرهاب ., وشكرا
| ||
 |  |
| 08-10-2008, 04:01 AM | #13 (permalink) | ||
| كويتاوي اصولي  مزاجي:  | السلام عليكم و رحمه الله و بركاااته اول شي صراااحه الموضوووع حده شدنــــي و ثاااني شي اناا اوااافق iq بكل شي اهوه قااااله لان هذا الحجي مو من عنده هذا الحجي من القرااان و بعدين احنا لازم نتبعه و هذا ما يعتبر تشدد لان التشدد غييير و هذاا غييييييييير و اذا الواااحد كااان ملتزم و دين و سلفي سويتوووه ارهابـــي  عاااد ليش ؟؟؟ انتوا كل شي تاااخذووونه على انه تشدد بالدين بالعكس اصلا الدين يسر مو عسر و اعتقد ماله دااااعي الالحتفاااال ... واتمنى انك تقبل رااااي بكل روح رياااضيه و صراااحه انااا عصبت من كلمتك ان كل تشدد ورااه ارهاااب  و شكــــــــــــــــراا 
| ||
| | |
| 08-10-2008, 04:15 AM | #14 (permalink) | ||
| كويتاوي نشيط مزاجي: | اول شي انا ماقلت كل واحد سلفي وديني يعني ارهابي ومتشدد ., وثاني شي انا ريال اعرف ربي ., وكل ألي اقوله كل تشدد وراه أرهاب .. ماقلت كل تشدد بالأسلام يعني أرهاب ., ياريت تفهمون كلامي قبل لا تردون على الموضوع ., والظاهر كلامي مايعجبكم وكل واحد قام يفهمه على مزاجه .. عن اذنكم ., ومالي رده للموضوع .,
| ||
| | |
| 08-10-2008, 04:36 AM | #15 (permalink) | ||
| المشرف العام  مزاجي: | حبيت ادخل بالموضوع انا بصراحه أايد مظلوم التشدد وراء الارهاب ليش الواحد يكون متشدد يبي الدنيا تصير سيده غصب !! هذا اللي تقولونه الدين يسر ؟ غصب ! لو الواحد يقوله كلمتين حلوين شرط بيكسب الناس اما التشدد و العصبيه ما تييب نتيجه انا ماخذ حياتي وسط ابعد عن المحرمات و اعيش حياتي فما اتوقع ان الاحتفالات حرام وانا من رايي حتى اعياد المسيح على الاقل نجامل فيها لان هالشي يحبب الناس بالاسلام ما نبي نرسم صوره سيئه عند المسيح ان الاسلام متشددين نعيش حياتنا بكل بساطه لما احد يوصل للدين نوقف بويهه انا اتوقع هذا اللي يتمناه رسولنا و حبيبنا محمد و الدين يسر مو عسر تحياتي ,,
| ||
 | |
| 08-10-2008, 04:50 AM | #17 (permalink) | ||
| المشرف العام مزاجي: | اي طبعا انا مره شفت بمطار لندن وحده عيوز بريطانيه و وياها كويتي مسلم و متشدد الظاهر كان يتردد على لندن و اهي تشتغل بالمطار و لما شافته قالته شلونك شخبارك و مدت إيدها بتسلم عليه زفها و صرخ بويها و هي استغربت من هالتصرف و بصراحه الحق معاها اهيا عيوز يعني كبر امه يعاملها جذي و بعدين لمس المره الاجنبيه يبطل الوضوع بس مو حرام !! بس كان هذا الريال متشدد لدرجه العصبيه و العيوز خذت فكره عنه انه ارهابي من تصرفه
| ||
| | |
| 08-11-2008, 03:12 AM | #19 (permalink) | ||||
| كويتاوي نشيط  مزاجي:  | بسم الله الرحمن الرحيم والصلاه والسلام على رسولنا الامين ومن تبعه بئحسان الى يوم الدين اما ::بعد:: للاسف انا قعد اشوف ناس ازعلوا من الموضوع واقول حق اي واحد ترى المنتدى ما يستاهل ينزعل عليه او ينفرح عليه وايد اصلاً النت كله ما يستاهل احنا يايين مني نتبادل اراء ونستانس مو نتناجر و نتهاوش و نحقد على بعض و ترى المنتدى فريق واحد واذا وحدة المنتدى ما دشت بالك ترى احنا كلنا اخوه في الاسلام ولابد ان نحب و نوجه و ننصح بعضنا ونصلح فيما بيننا ان حدثت مشاجره و نذكر الله ونتعوذ من الشيطان و نكضم غيضنا و نسامح ان بدر من احدنا شيء اغضبنا ونتوجه اليه بالنصح و الكلمه الطيبه . امم اعتقد هذا كافي كمقدمه نبدى بالرد على روك : اقتباس:
الرد على مظلوم : اقتباس:
ابكلامي بالعكس خاطبتك كمسلم وكمصلي وكئنسان عارف ربه ورديت على كلامك فحسب. وانا صدقني مو متشدد شوي علشان اصير متشدد وايد بالعكس انا متفتح لكل شي واسوي كل شي حلله لي ربي. ما اعتقد اني كنت فض او غير لائق ابكلامي بالعكس حديثي كان بقدر كبير من الموده والاحترام لك . ان تعدينا على المحرمات وحللنا المنكرات الا تعتقد ان حق الحياه طغى على حق الدين؟ احنا موضوعنا اعياد الميلاد فكان الاحرى لك ان ترد بموضوع النقاش وما تغيره و انا يبت الدردشه مع البنات كمثال ما قصدت فيه شي ضدك اما بالنسبه للاختلاط فناقشت انا وروك هالموضوع من زمان تقدر ترجعله. وراح الخص لك النتيجه ابجملتين( طبعاً هالجملتين مدعومه بالايات والاحاديث وفتاوي علماء الامه الشرعيين تقدر ترجعلهم ابذاك الموضوع ) 1 - الاختلاط محرم في ذاته 2 - الاختلاط مباح و مطلوب اذا لزم وبشروط وضوابط ولا تنسى اذا لزم وبشروط و ضوابط بالنسبه للاختلاط الدراسي واهو الموضوع الي احنا كنا نناقشه او بالاحرى امركزين عليه وخصوصاً جامعة الكويت احنا دوله غنيه يعني نقدر نبني حرمين جامعيين بدل واحد صح؟ اذن اين اللزوم؟ بما ان شرط الاباحه وهو اللزوم سقط . اذن ما حكم الاختلاط الدراسي ؟! لا يجوز , فكيف لنا ان نطالب به ونسانده ؟! اما بالنسبه لالدردشه عالنت فئين اللزمه؟ مجرد لهو وسوالف اذن لا يجوز. اما بالنسبه لالحياه اليوميه فالحكم الشرعي واضح تماماً وسئئتيك بمثالين لها مع انها لا تحتاج ذلك : 1: اخلصت محاضره وانت مو فاهم ما لقيت الا ابنيه وحده فاهمه اذن لزم ابضوابط وشروط مني انك تختلط علشان تفهم الدرس وهدفك ونيتك مني انك تفهم الدرس مو تحاجي الابنيه. او تاخذ ايميلها علشان تفهمك او تتباحثون و تتدارسون وتتعاونون ابمشروع دراسي مثلاً و لا تنسى شرط اللزوم وضوابطه وشروطه لان مو معقوله ما تلاقي شباب ولازم تكون نيتك و قلبك خالصين لالدراسه لان وايد ناس للاسف يتحايلون عالشرع ولا يخدعون الا انفسهم و الله عليم بهم. 2 : تبي شغله من مكان قائمه عليه وحده مني لزم انك تتعامل معاها ابضوابط وشروط ونيتك انك توصل لالشغله . اقولها للمره المليون علشان لحد يسيء استخدام الحكم الشرعي لا تنسى شرط اللزوم وضوابطه وشروطه. واذا تبي تشوف ضوابط وشروط الاختلاط راجع موضوع روك واذا مالك خلك عليك ابقوقل. خن نتدارس حجتك الا وهي ان الاختلاط نراه بكل مكان و انا رديت على هالجزئيه بالضبط راجع موضوع الاختلاط مال روك . بس راح ارد عليك رد ثاني مختلف تماماً : مقياسك ان اذا انتشر الشي وتعامل الناس به بكثره اذن يحل رغم انف الشرع والاحاديث النبويه والقرءان سبحان الله!! على هذا المقياس الباطل نستنتج ان: 1 : الربا عندك حلال فالربا تتعامل به جميع البنوك العالميه و الشركات العقاريه التجاريه الضخمه و يشمل ذلك بضع البنوك الاسلاميه بنسبه محدده انت انت اذا تبي تشتري اقصاد سواء سياره او لابتوب من الغانم او اليوسفي لازم تتعامل بالربا لازم ربا اشلون تقولون عنه حرام ؟! 2 : الرشوه والوساطه عندك حلال فالرشوه و الوساطه منتشره في بلادنا العربيه والبلاد الغربيه و في جميع انحاء العالم وانضمة الحكم شغاله اشحلاتها وما نقدر نسوي شي الا ابواسطه فكيف لنا ان نحرمها ؟! 3 : (وهذا مثال سمعته من شخص اعزه وجداً قريب لي هداه الله) البطش و القتل بالمسلمين وغيرهم منتشر بكثره في جميع انحاء العالم وجميع القطاع فهو شيء عادي مالنا ومالهم...!!!!!!!!!!!!!!!!!.(والعياذ بالله من هذا التخاذل العظيم) فيا اخي مظلوم لا تفتي بما ليس لك به علم الافتاء اشبه بالتوقيع عن الله فهو شيء عظيم و ليس هين. وانا الصراحه خايف من كلامي لانه تئليفي وليس نقل مباشر من شيخ رغم اني واثق من صحة نيتي وواثق ان الكلام الذي وضعته يصح شرعاً الا ان الخوف يمتلئني من ان يكون هنالك خطء ام جزئيه اهملتها ام شيء من هذا القبيل فئسئل الله لك ولي الهدايه و المغفره . و ليش تبي تنهي الموضوع بختصار؟! خنناقشه ابموضوعيه عامه ليما نصل الى الحقيقه او على الاقل حل يرضي الطرفين. ارد اقولك انا لن و لم اكن في حياتي متشدداً والصراحه قعد اشوفك تلمحلي اني متشدد فئن كنت متشدداً فئتني بدليل تشددي فلا ارى الا التلميحات والاتهامات يا اخي ان كنت فرضاً متشدد وتريد نصحي فئتني بئثر تشددي اثبت لي اني متشدد بئي دليل او برهان حدث العاقل بما يعقل يا اخي مو تيي تقولي انت متشدد لانك تخالفني الرئي و تسكت فئنت لا تراني افتح فمي قبل ان ابدىء بدليل او حجه منطقيه اليس كذلك؟! . و مو لازم تكون يهودي علشان تكره الاسلام بالعكس ترى في مسلمين بالاسم بس عندهم حقد خفي للاسلام وعندهم الاسلام بس بالقلب اما يطبقون الشرع بالحياه فهذا تشدد ورجعيه وطبعاً هذا مناقض لما جاء بالقرءان والسنه ( وانا لا اقول انك منهم ) وفي يهود يمدحون الاسلام شوف هذا يهودي يمدح الاسلام والمسلمين وايمانهم . [فقط الأعضاء المسجلين يمكنهم رؤية الروابط. ] فنحن من خلال مدحه للاسلام وطرحه له بعداله وصدق وانصاف نستنتج ان هنالك شخص ذو طيبه و مصداقيه وحب لتقصي الحقائق وراء تلك العقيده الباطله المحرفه فئرجوا للجميع ان يدعوا له بالهدايه. وصدقني اليوم الي نترك التمسك بالدين اهو اليوم الي بنضيع فيه. وترى اي تلميح او نكته عن كوني ارهابي يجرحني حتى لو من شخص عزيز علي او حتى من اهلي وحتى لو غشمره وخصوصاً اذا ما كان مبني على شي ومجرد افتراء لا اساس له .. وبالنهايه اخوي مظلوم تعرف اني اعزك واقدرك بس لمن اشوف في زلل وانحراف ابقول في الدين فواجبي اني ارد عليه فلا تاخذ الموضوع شخصيً لاني شايفك ماخذه شذي و هو ليس كذلك وسامحني اذا كنت شديد في بضع من قولي لكن الحق ينقال والساكت عن الحق شيطان اخرس . ولييييييه الساعه 2 تدرون اشلون بروح انام وباجر ولا عقب باجر اكمل الرد على الباجي لاني مشغوووووول واعذروني على الاقصور  والسلام عليكم ورحمة الله وبركاته
| ||||
| | |
|
| مواقع النشر (المفضلة) |
| الكلمات الدلالية (Tags) |
| shma3a, tajma3na |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
..}
العرض العادي
