| | ||
| |
| |||||||
 |
| | LinkBack | أدوات الموضوع | انواع عرض الموضوع |
11-20-2007, 11:11 PM
| #1 (permalink) |
| طاقم الإشراف  مزاجي:   |  في لــيــلــة الــمــاريــنــا الــســوداء - قصة حقيقية ! صبحكم الله بالخير ... مساكم الله بالنور ... حدثت هذه القصة في بداية عطلة الصيف الماضي و تدور احداث هذه القصة حول مجموعه من الشباب ارادوا الاستمتاع بهذه العطلة كباقي الناس ... و هكذا بدأت القصة : يوم الاربعا الموافق 27\6\2007 الساعة 6:45 مساءً تررررررن ..... ترررررررن ... ترررررررن .... الووو ؟؟ الووو , السلام عليكم هلاااا و عليكم السلام ... شلونك محمد ؟ الحمدلله بخير الله يسلمك ... بغيت حمد ؟ اي اذا ماعليك امر لحظة الحين اناديه حمد ..؟ يااا حمد ... ؟؟ هلااا يبااا ؟؟ تعااال محمد رفيجك يبيك بالتلفون انزين ... راح حمد يشوف محمد شيبي منه داق هالحزه .. ودار هالحوار بينهم : حمد: الوو ؟ محمد: هاااا شوماخر ( كان وقتها حمد توه ماخذ الليسن) حمد: هههههههههه لا انا الي ادربه p: ... هااا شبغيت ؟؟ محمد: بغيت اسأل وين بتروح اليوم ؟؟ حمد: اليوم مالي خلق اطلع .. بقعد بالبيت محمد: من صجك انت !! حمد: اي .. ليش ؟؟ محمد: حجي اليوم الاربعا ... الناس يطلعون يوم الاربعا مو يقعدون بالبيت حمد: مادري ليش مالي خلق ... و بعدين لا تنسى ان اليوم اهلي راح يسافرون يعني لازم اقعد عشان اسلم عليهم قبل ما يسافرون محمد: يالله عاد لا تصير جذي ... نبي نطلع اليوم بعد محاولات كثيره قدر محمد انه يقنع حمد عشان يطلع حمد: انزين انزين ... راح اطلع اليوم بس وين ؟ محمد: مادري انت مرني بعدين اندق على دليلنا الساحي جسووم p: و انشوف وين بيروحون الشباب اليوم حمد: اوكي محمد: انزين عيل انا الحين بروح ابدل ملابسي على ما تيي و انتهى الحوار بينهم ... راح محمد يبدل بعدين شبك شويه ناطر حمد يوصل حمد طلع من بيتهم و راح حق محمد ... و هذا الطرف الثاني من القصه و كانت احداثه بستاربكس المرينا: كان جاسم قاعد مع الربع و طايحين له سوالف و ضحك و فرفشة و صدفة لقا جاسم اثنين من عيال عمه .. لزم عليهم جاسم انهم يقعدون معاهم قعدوا و صارت الفرحة فرحتين جان يقول واحد من الشله "دام ان كلنا موجودين خل نروح نصور صورة جماعية" كان في مجموعة مؤيده و مجموعه معارضة جان واحد منهم يقول "الي يبي يصور ترا انا عندي محل بشرق للتصوير و انا خبرة في هذا المجال" نعود للطرف الاول من القصة وصل حمد حق بيت محمد حمد دق على محمد: محمد : هااا وصلت ؟ حمد : اي .. يالله اطلع دخل محمد السيارة .. ما بغيت تيي !! ليش طولت ؟ حمد : ماكو شي بس سلمت عالاهل قبل ما يسافرون بعدين ييت المهم ... وين اخوك ما راح ايي ويانا ؟؟ محمد : امبلا الحين بيي وصل علي اخو محمد دخل السيارة و كملو طريجهم .. بالطرج : علي : احنا وين راحين بالظبط ؟؟ حمد : مادري انا بس قاعد امشي سيدا محمد : علي .. دق على جسووم سأله وين راح يروح اليوم ؟ دق علي على جاسم و دار هالحوار بينهم : جاسم: هلااا بو علوه علي:هلا فيك ... بسرعه بسرعه ماعندي رصيد وينك ؟ جاسم : انا بالمرينا و الشباب كلهم معاي علي : اوكي الحين احنا يايينكم وصلو محمد و علي و حمد المرينا و كان جاسم ناطرهم بجسر المرينا و راحو بعدين حق المطاعم الي فوق لان كل الشله كانو قاعدين هناك ... كل واحد طلب له عشا من المطعم الي يبيه كانو حدهم فاصلين و ضحكهم ما توقف .. صارت الساعه 11:00 انقسمت الشله الى مجموعتين مجموعه راحت مكان التصوير (الي اتفقوا عليه) و مجموعه راحت احد المقاهي ( المجموعه المعارضه ) المجموعه الي راحت مكان التصوير كانت مكونه من (جاسم و محمد و حمد و علي و عبدالله - واحد من الشله - ) طلعت هالمجموعه من المرينا متوجهين حق سوق شرق و كانت الفرحة تعم على اوجه الراكبين و الاهالي متطمنين كملو طريجهم الى ان وصلو حق الاشارة الي قبل نادي الظباط كانت الاشارة حمرا وقفو .. جان يقول عبدالله : يالله يا شباب خل نربط حزام الامان و كان قصده من هالحركة عبط و ضحك فقط لا غير المهم الشباب اربطو حزام الامان ... الاشارة صارت خضرا .. مشوو الى ان وصلو حق نادي الظباط حدث ما لم يكن بالحسبان ! كان في واحد يعاكس وحده بالسياره ,,, فقررت الفتاة التخلص منه بواسطة "بتوين" سريع جدام سيارة الشباب .. كل الي كانو بالسياره حاشتهم صدمه من هالحركة الي سوتها هالبنت ! بس بنفس الوقت افرحو لان مادعمتهم ... بس هالفرحة ما دامت ... قرر الطايش يقلد هالبنت بحركتها الخطرة .. فكان له ذلك .. و اهو بنهاية "البتوين" دعم بمؤخرة سيارته مقدمة سيارة الشباب فترنحت السيارة من الحارة الثانيه على اليمين و ادعمت بسيارة ثانية بحارة اقصى اليسار فانقلبت سيارة الشباب مرتين بالهوا و ادعمت بنخلة يم نادي الظباط بعدين انتقلت حق الشارع الثاني !! ,, (متخيلين قوة الدعمه ؟!) و كمل طريجه المتسبب بهذي الكارثه !! لكن الحمدلله ماكو اصابات قاتله هذا اهم شي الحمدلله كانت الاصابات طفيفه *نقلت احداث هذه القصة من الافراد المتضريرن من هذا الحادث* الحين ابي رايكم بهالتصرف الي منتشر بين بعض الشباب الي ما يقدرون المسؤوليه :\ وعباله انه قاعد بمضمار مو شارع عام :\ و اذا اكو بدليه طوفو ^_^ |
|  |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
